Алаш арысы ардақталды

«Марат Оспанов» атындағы БҚМУ-нің қалыпты физиология кафедрасы ұжымының ұйымдастыруымен «Алаш арысы А.Байтұрсыновтың туғанына-150 жыл» атты тәрбиелік іс шара болып өтті.

Шараға Басқарма төрағасы, Ректордың м.а Эльнара Кереевна қатысып қазақ әдебиетінің негізін салушы және қазақ әліпбиінің авторы, алаш арысы А.Байтұрсыновтың мұрасын насихаттаудың қаншалықты маңызына тоқталып, ұйымдастырушыларға жылы лебізін білдірді.

Студент жастар іс шара барысында Ахмет Байтұрсыновтың ғибратты өмір жолымен таныстыру, шығармашылығына шолу жасап, өмір жолынан театрландырылған көрініс қойып, өлеңдері мәнерлеп оқып көпшілік көзайымына айналды. Тәрбиелік мәні жоғары шарада А. Байтұрсыновқа арнау өлеңдері оқылып, концерттік бағдарламаға ұласты.