Тәрбие жұмысы жөніндегі проректорды тағайындау

Қазақстан Республикасы Денсаулық сақтау министрлігі және «Марат Оспанов атындағы Батыс Қазақстан медицина университеті» КЕАҚ директорлар кеңесінің келісімі бойынша Медицина ғылымдарының кандидаты, «№1 жалпы дәрігерлік практика» кафедрасының меңгерушісі Абенова Нұргүл Абдуллақызы тәрбие ісі жөніндегі проректоры болып тағайындалды.

Анықтама үшін: Абенова Нұргүл Абдуллақызы «Марата Оспанов атындағы БҚММА» 2003 жылы емдеу факультетін бітіргеннен кейін, 2004 жылы университеттің госпитальдық терапия базасында интернатураны, 2005-2007 жж. – университеттің ЖОО-дан кейінгі медициналық білім беру факультетінің терапия кафедрасында клиникалық ординатураны аяқтады. Кейінірек, 2007-2014 жылдар аралығында ЖТД студенттері кафедрасының ассистенті, 2015-2017 жылдары – №1 жалпы дәрігерлік практика кафедрасының доценті м.а., 2017 жылдан бастап №1 жалпы дәрігерлік практика кафедрасының меңгерушісі болып тағайындалды.

2009 жылы «Репродуктивті жастағы әйелдердегі аутоиммунды тиреоидит» тақырыбында кандидаттық диссертациясын сәтті қорғады. 20-дан астам ғылыми жарияланымның, Қазақстан Республикасының 4 авторлық куәлігінің, дәрігерлерге арналған 4 оқу құралының авторы. Біліктілігі жоғары санатты терапевт, жалпы тәжірибелік дәрігер сертификаты бар.​

Нұргүл Абдуллақызын жаңа қызметімен құттықтай отырып, Университетіміздің игілігі үшін осы жауапты қызметте кәсіби және шығармашылық табыстар мен елеулі жетістіктерге жетуге және денсаулық, жігерлілік тілейміз!