ZOOM платформасында ашық сабақ

Жаратылыстану ғылыми пәндері кафедрасының аға оқытушысы С.С.Самбаева ZOOM платформасында жалпы медицина мамандығы 307А тобында «Статистикалық жорамалдарды тексерудің параметрлік емес критерийлері» тақырыбында ашық тәжірибелік сабақ өткізді.

Ашық тәжірибелік сабаққа ҮКДО доценті, п.ғ.к. М.А.Башбаева, №2 жалпы тәжірибелік дәрігер кафедрасының профессоры, м.ғ.д. Тулегенова Л.М., практикалық дағдылар орталығының аға оқытушысы, магистр Елубаева А.Е. және кафедра оқытушылары қатысты.

Сабақты дайындау барысында Moodle платформасына оқытушы түсірген видеоға сілтеме, методикалық нұсқаулар жүктелді. Жеке дайындықты бағалау тесті Google Forms арқылы онлайн жүргізілді. Аға оқытушы С.С.Самбаева тест нәтижесіне графиктік талдау көрсетті. Студенттердің қате жауаптарын демонстрациялап, сабақ барысында сол сұрақтарға назар аударылды. Студенттер топтық жұмыс бойынша презентация дайындап, жеке жағдаяттық тапсырмаларды Excel бағдарламасында орындап, демонстрация арқылы көрсетті. Практикалық жұмыстарды орындау кезінде студенттер параметрлік емес Уилкоксон Т критерийін және G таңбалар критерийін статистикалық жорамалдарды тексеруде қолдана алатындығын көрсете алды.

Сабақ соңында топтық презентация, студенттердің жеке тапсырмаларды орындауы, тест және бақылау сұрақтары бойынша алған бағалары қорытындыланды.