Адами ресурстарды басқару департаменті

Валиахметова Рита Болатовна – Адам ресурстарын басқару департаментінің басшысы

Адами ресурстарды басқару департаменті «Марат Оспанов атындағы Батыс Қазақстан медицина университеті» КеАҚ құрылымдық бөлімшесі болып табылады. Департаменттің мақсаты университет қызметкерлерінің әлеуетін мейлінше іске асырылуына ықпал ете отырып, Университеттің бәсекеге қабілеттілігін арттыруға бағытталған кадрлық саясатты іске асыру және адами ресурстарды басқару жүйесі арқылы жоғары білікті мамандармен қамтамасыз ету, персоналдың еңбек жағдайлары мен кәсіби қызметіне қанағаттанушылық деңгейін арттыру болып табылады. Адами ресурстарды басқару департаменті атқарушы директорға бағынады және университеттің барлық құрылымдық бөлімшелерімен өзара қарым-қатынас жасайды. Департамент құрылымына келесі бөлімдер кіреді:

– кадрларды есепке алу жөніндегі бөлім басшысының м. а. – Әлшенова Гүлжайнара Тұрарқызы

– персоналды дамыту бөлімінің басшысының м. а. – Мұханова Салима Аққалиқызы

ЕҢБЕК ШАРТЫН ЖАСАУ ҮШІН ҚАЖЕТТІ ҚҰЖАТТАР

1.Еңбек шартын жасасу үшін мынадай құжаттар:

1.1. жеке куәлiк немесе паспорт (он алты жасқа толмаған адамдар үшiн туу туралы куәлiк) қажет. Оралмандар жергілікті атқарушы органдар берген оралман куәлігін ұсынады; 1.2. тұруға ықтиярхат немесе азаматтығы жоқ адамның куәлігі (Қазақстан Республикасының аумағында тұрақты тұратын шетелдіктер мен азаматтығы жоқ адамдар үшін) не босқын куәлігі; 1.3. білімі туралы құжат:

– білімі туралы диплом

– академиялық дәрежесінің болуы туралы диплом

– ғылыми дәрежесінің болуы туралы диплом

– ғылыми атағының болуы туралы диплом

– соңғы 5 жылда біліктілігін арттырғандығы туралы куәлік

– біліктілік санатын берумен маман сертификаты

– клиникалық практикаға жіберу үшін маман сертификаты

1.4. еңбек қызметін растайтын құжат (еңбек өтілі бар адамдар үшін);

1.5. алдын ала медициналық куәландырудан (086 нысан) өткені туралы құжат, психоневрологиялық диспансердің және наркологиялық диспансердің анықтамасы қажет.

1.6. қылмыстық құқықбұзушылық жасауы туралы мәліметтердің болуы не болмауы туралы анықтама: адам өлтіргені, денсаулыққа қасақана зиян келтіргені, адамдардың денсаулығына және имандылыққа, жыныстық қолсұғылмаушылыққа қарсы қылмыс, экстремистік немесе террористік қылмыстар, адам саудасы.

1.7. Жұмыскер қоса атқаратын жұмыс туралы еңбек шартын басқа жұмыс берушімен жасасу үшін негізгі жұмыс орны бойынша еңбектің сипаты мен шарттары (жұмыс орны, лауазымы, еңбек жағдайлары) туралы анықтама

2. Мемлекеттік органның шетелдік жұмыскерлері тартылған кезде еңбек шартын жасасу үшін қажетті құжаттардың тізбесі Қазақстан Республикасының Үкіметі бекіткен шетелдік жұмыскерлерді тарту тәртібіне сәйкес айқындалады.

3. Жұмыс беруші Қазақстан Республикасының заңдарында және өзге де нормативтік құқықтық актілерінде көзделген жағдайларды қоспағанда, осы баптың 1-тармағында көзделмеген құжаттарды талап етуге құқылы емес. 

– Кадрларды есепке алу жөніндегі жеке парақ (өз қолымен)

– Өмірбаян (қолмен жазылған)

– Зейнетақы шарты

– Жүргізуші куәлігі (жүргізушілер үшін)

– Зейнеткер куәлігі (зейнеткерлер үшін)

– Әскери билет (әскери міндеттілер үшін)

– Мүгедектігі туралы анықтама (бірінші және екінші топтар)

– банк шотының 20-сандық нөмірі (Халық банкі)

– ¾ сурет