Жаратылыстану ғылыми пәндер кафедрасындағы онлайн ашық сабақ

«Ақпараттық-коммуникациялық технологиялар» пәнінің аға оқытушысы, магистр Умирзакова Жанат Серикбаевна «Жалпы медицина» мамандығының 110А тобына ашық тәжірибелік сабағы өтті.

Сабақтың тақырыбы «Бұлтты және мобильді технологиялар», мақсаты – Google Disk бұлттық сервисінің мүмкіндіктерін үйрету болды.

Сабақ ZOOM платформасында Google Disk бұлттық сервисін, iSpring Suite бағдарламасының көмегімен жазылған видео сабақ, iSpring QuizMaker және EasyTestMaker онлайн тесттер құру бағдарламаларын пайдаланып өткізілді.

Сабақ басында iSpring Suite бағдарламасының көмегімен түсірілген видео сабақ көрсетілді.

Білімді бақылауға арналған тест тапсырмалары, бақылау сұрақтары, сәйкестендіру тапсырмалары iSpring QuizMaker және EasyTestMaker бағдарламаларында, Google форма қосымшасында әзірленді. Тақырыпты түсіндіру мақсатында Youtube каналына оқытушы түсірген видео жүктеліп, студенттерге сілтеме арқылы жіберілді.

Компьютерде орындалатын тәжірибелік жұмысты студенттер Google Құжат, Google Кесте, Google Презентация, Google сайт онлайн қосымшаларында орындады. Бұл бағдарламаның артықшылықтары – оқытушы студенттің тапсырманы орындау барысын онлайн қадағалап отыра алады және студенттерге топпен жұмыс жасауға мүмкіндік береді. Сабақ барысында студенттер топтарға бөлініп бір-біріне рұқсат ашу арқылы бірлесе отырып, жағдаяттық тапсырмаларды орындады.

Сабақ барысында оқытушы студенттердің тапсырмаларды орындауын онлайн режимде бақылап, жіберілген қателерді түзетіп және бағыт беріп отырды. Тапсырмаларды орындау кезінде студенттердің бұлттық сервистерді және тақырыпты еркін меңгергені көрініп тұрды. Сабақ соңында студенттердің нәтижелері қорытындыланып, бағаланды. Ашық сабаққа УКДО медицина ғылымдарының магистрі Ю.А Замэ, ЖҒП кафедрасының доценті м.а. А.У. Тұрғанбаева және басқа кафедралардың оқытушылары да қатысты.