«Тәуелсіздік – ел тұғыры»

№2 Жалпы дәрігерлік практика кафедрасында 8.12.2020 жылы 603-604 топ интерндері мен кафедра доценті А.Н. Зиналиеваның ұйымдастыруымен Тәуелсіздік күніне орай «Тәуелсіздік – ел тұғыры» атты дөңгелек үстел ZOOM бағдарламасы арқылы өткізілді.

 Онда интерндер Тәуелсіздік күніне арналған презентация дайындап, бейнероликтер көрсетті. Интерн А. Жұматай М.Шахановтың «Желтоқсан алаңы» өлеңін оқыды. 

Ж. Бекмұханбетова күй «Толғау» орындады. М. Амантаев Қалқаман Сариннің «Тәуелсіздік» өлеңін оқыды. «Көк тудың желбірегені» әнімен іс шара аяқталды. 

Дөңгелек үстелдің соңында кафедра жетекшісі, доцент А.Ш. Сартаева Тәуелсіздіктің мәні мен оның жастарға патриоттық тәрбиеде алатын орны туралы өз пікірін білдірді. Кафедрада тәрбие жұмысына жауапты ассистент М.К. Назарбаева Тәуелсіздігімізді ұлықтаудың тәрбиелік маңызын атап өтті. 

Іс шараға жауапты кафедра доценті А.Н. Зиналиева осы дөңгелек үстелдің өскелең ұрпақты тәрбиелеудегі мәні туралы өз пікірін білдіріп, қорытындылады.