«Арманыңды басқар!»

Марат Оспанов атындағы БҚМУ «Жалпы медицина» мамандығының 1 курс студенттері III ReФорум «Арманыңды басқар!» жобасы конкурстарының дипломанттары атанды.Форум 2021 жылы 19-20 мамырда Челябинск облысының Білім және ғылым министрлігінің қолдауымен Челябинск мемлекеттік университетінде онлайн режимінде өтті. Студенттердің ғылыми жетекшілері ретінде әлеуметтік-гуманитарлық пәндер кафедрасының оқытушылары болды.«Өз арманыңды басқар!» IIІ Rефорум аясында «Болашақтың көшбасшылары» командалық байқауы, «Менің болашақ мамандығым: армандар мен шындық» презентация байқауы, «Әркімнің өз арманы бар!» балалар суреттерінің көрме-байқауы, «Статус онлайн» кинофестивалі (қысқа метражды фильмдер), «Бизнес: тұлғалар мен оқиғалар» атты рефераттық жұмыстар мен презентациялар конкурсы, «Басқару, экономика және қоғам: проблемалар мен даму жолдары» атты II Халықаралық мамандар мен оқытушылардың ғылыми-практикалық конференциясы, «Қазіргі жастардың ғылыми кеңістігі: басым міндеттер және инновациялық шешімдер» II Бүкілресейлік жастар ғылыми-практикалық конференциясы.Форумның нәтижесі бойынша Марат Оспанов атындағы БҚМУ студенттері университет жетістіктерінің қазынасын толықтырды.

Сонымен, «Жалпы медицина» факультетінің 1 курс студенті Диана Жумабаева «Менің болашақ мамандығым: армандар мен шындық» презентациялар байқауында II жүлделі орынды иеленді (жетекшісі – кафедра доценті М.М. Книсарина).«Жалпы медицина» факультетінің 1 курс студенттері Айсат Русланов, Бақытгүл Мақсұтова, Ақерке Даутбаева «Болашақтың көшбасшылары» (жетекшісі – кафедраның аға оқытушысы Г.С.Жумалиева) командалық сайысында үшінші орынды иеленді. «Жалпы медицина» факультетінің 1 курс студенті Назерке Жандонгарова «Менің болашақ мамандығым: армандар мен шындық» презентациялар байқауында «Мамандықтағы өз орнын үздік көрсету» номинациясын жеңіп алғаны үшін диплом алды (жетекшісі – кафедра оқытушысы Г.М. Ертукешова).Бұл жоба студенттерге өз әлеуеттерін ашып, шығармашылық қабілеттерін көрсетуге, жаһандық деңгейде ойлауға және өздерінің болашақ кәсібіне қаншалықты құмар және сүйіспеншілікпен қарайтындықтарын сезінуге мүмкіндік берді!