Абайлаңыз, коронавирус!

Үстіміздегі жылдың 15 қарашасында тілдер кафедрасының аға оқытушысы Г.Б. Алдашева «ZOOM»мобильді қосымшасының бейнебайланысы арқылы «Абайлаңыз, коронавирус!» атты тәрбие сағатын өткізді.

Бүкіл әлем коронавирустық пандемиямен күресуде, жолдың айтарлықтай бөлігі артта қалды. Бүгінгі таңда Ақтөбе облысы «жасыл» аймақта, бұл, әрине, қуантарлық жайт. Алайда елімізде «қызыл» және «сары» аймақтарда қалып отырған өңірлер де бар, демек, эпидемиологиялық ахуал әлі тұрақты емес. Шараны ұйымдастырушылар студенттерімізді коронавирустық инфекцияның алдын алу шараларымен тағы бір рет таныстырып, гигиеналық білім беруді насихаттау артық болмас деп санады. Бұл тәрбие сағатының мақсатын анықтады.

Іс-шараға «Жалпы медицина» факультетінің 203 АБ тобының студенттері және орыс тілі пәнінің оқытушылары Татанова Л.Т., Шершнёва А.Н.қатысты.

Ұйымдастырушы студенттер Сағынғалиев Нұрхан, Меңдібекова Айша, Гилажеденов Диас, Мырзахметова Жұлдызай, Қожагелдин Диас және Алпысбай Аида слайдтар көрсете отырып, тақырып бойынша ақпаратпен бөлісті. Кездесуге қатысушыларға аурудың шығу тарихы мен белгілері, коронавирусты қалай жұқтырып алмау және басқаларға жұқтырмауға болатыны туралы ақпарат берілді; «COVID-19 қалай таралады», «Масканы дұрыс қолданыңыз!», «Коронавирус пен тұмаудың айырмашылығы неде?», «Коронавирусқа оң тест болған жағдайда не істеу керек?» бейнероликтері көрсетілді. Шара соңында алынған ақпаратты бекіту мақсатында Нұрхан Сағынғалиев қатысушылар арасынан құрылған 2 командамен интерактивті викторина өткізді.

Кездесу нәтижесінде қатысушылар мынадай тұжырым жасады: ел COVID-19-ға қарсы күресте барлық қажетті шараларды қабылдап жатыр, бірақ көп нәрсе әрқайсымызға байланысты. Күш-жігерімізді біріктірген жағдайда ғана біз коронавирусты жеңе аламыз.