Қазақстан Республикасы Тәуелсіздігінің 30 жылдығына арналған “My country – my Kazakhstan”тәрбиелік іс-шарасы

2021 жылдың 26 қарашасында тілдер кафедрасының, шет тілдер курсының оқытушылары К.К. Ерменова мен А. У. Қанлыбаева Қазақстан Республикасы Тәуелсіздігінің 30 жылдығына арналған “My country – my Kazakhstan” тәрбиелік іс-шара өткізді. Іс-шара Халықаралық медицина факультетінің студенттері үшін ZOOM платформасында ағылшын тілінде өткізілді.

Іс-шараға “Жалпы медицина” факультетінің 106, 112, 114, 121 топтарының студенттері қатысып, Қазақстан Республикасының Мемлекеттік рәміздері, Қазақстан туралы қызықты фактілер, Тәуелсіздіктің 30 жылы ішіндегі Республиканың жетістіктері, еліміздің ірі қалалары туралы презентациялар, Қазақстан туралы өлеңдер, домбырадағы ән мен композиция дайындады. Іс-шараға Халықаралық медицина факультетінің 4-5 курс студенттері қатысып, Қазақстандағы өмірі мен Марат Оспанов атындағы БҚМУ оқуы туралы бейнеролик дайындап, біздің еліміз, Қазақстандықтардың қонақжайлылығы мен жомарттығы туралы өз әсерлерімен бөлісті, сондай-ақ іс-шараның барлық қатысушыларын қазақ, орыс және ағылшын тілдерінде құттықтады.

Іс-шара қонақтары Халықаралық медицина факультетінің деканы Ерболат Маратұлы Ізтілеуов және “Жалпы медицина” факультеті деканының орынбасары Әйгерім Маратқызы Қанымқұлова еліміздің тарихындағы айтулы датамен барлық қатысушыларды құттықтап, іс-шараның барлық қатысушылары мен ұйымдастырушыларына алғыс білдірді.