Мамандық таңдау

Мамандық таңдау – кез-келген оқушы үшін жауапты кезең. Осыған байланысты қабылдау комиссиясының қызметкерлері 2021 жылғы 13-28 желтоқсанда Ақтөбе қаласының № 24, 21, 38, 20, 34, 30 мектептерінің 11 сынып түлектерімен кезекті кездесу өткізді.

Бұл шараға қабылдау комиссиясы жауапты хатшы орынбасарлары Елубаева А.Е., Алиев О.М., Угизбаева Б.У қатысып, мектеп түлектеріне жалпы хабарламалар берілді, университет туралы буклеттер таратылды.

Университетің оқу ғимараттары мамандықтар, биылғы жылғы ҰБТ туралы, мамандықтарға мемлекеттік білім гранттарының өту баллдары, ақылы бөлім туралы, қабылдау комиссиясының жұмысы, арнайы емтихан жөнінде мағлұматтар айтылды.

Мектеп бітіруші түлектер тарапынан өздерін толғандырып жүрген сұрақтар: ҰБТ, соның ішінде прокторинг туралы, биылғы жылғы ерекшеліктер туралы сұрақтарына жауап берілді.

Кездесу соңында мектеп түлектеріне алдағы сынақтардан сүрінбей өтулеріне, қалаған мамандықтарына түсіп жақсы маман иесі болуына университет атынан сәттілік білдірдік.