Докторантураға қалай түсуге болады?

25 ақпанда (2022 жыл) бас қосқан үміткерлер мен докторантура түлектері бірлесіп осы сұрақтың жауабын талқылады. Аралас форматта (оффлайн және онлайн) өткізілген жиынды университеттің магистратура және докторантура бөлімі ұйымастырды.

2022-2023 оқу жылына докторантураға түсуді жоспарлап отырған үміткерлерге кәсіби бағдар беру мақсатында осы бөлімінің жетекшісі, PhD докторы Кошмаганбетова Г.К. докторантураның білім беру бағдарламасы, түсу ережесі және үміткерлерге қойылатын негізгі талаптармен таныстырды.

Сонымен қатар, ол докторантураға алдын ала іріктеудің басталғаны туралы да хабарлады. Кездесуге докторантура бағдарламалары бойынша білім алған Алекенова Н.У. , Аманжолқызы А., Батырова Г. А. Абдикадирова И. Т сияқты түлектер қатысып, докторантураның артықшылығы мен болашағы, зерттеушілерге қажетті қасиеттер жайында әңгімелеп берді. Олардың кейбірі докторантурадан кейінгі қол жеткізген табыстарымен бөлісті.

Докторантура бағдарламалары бойынша білім алушы А.Донаева мен Ж.Жүсіпова да өз сөздерінде докторантурадағы білім сапасы жайында әңгімеледі.

Үміткерлерге арналған мұндай жиын:

1.Үміткерлерге докторантура бағдарламасы бойынша терең ақпарат береді;

 2.Университеттің оң имиджін қалыптастырады;

3.Білім беру нарығында университеттің бәсекеге қабілеттілігін арттырады;

 4.Білікті кадрларды даярлап, адамның табиғи қабілеттерін ашуға мүмкіндік жасайды.