“Zhalyn Cup IV” Республикалық пікірсайыс турнирі

Наурыз айының 12-13 жұлдызы күні университетімізде “М.Оспанов атындағы Батыс Қазақстан медицина университетінің” 65 жылдығына орай “Zhalyn Cup IV” Республикалық пікірсайыс турнирі өткізілді. Турнирға еліміздің Нұр-Сұлтан, Алматы, Петропавл, Қостанай, Ақтау, Орал, Ақтөбе қалаларынан 40 фракция, жалпы саны 80 пікірсайысшы қатысты. Турнирде өз деңгейінде мектеп оқушылары және колледж студенттері де бақ сынады. Ойындар барысында қазіргі әлемнің, Қазақстанның хал-ақуалына байланысты актуалды тақырыптары қозғалып, өзекті мәселелер талқыланды.

Мысалы, Президентіміз Қасым-Жомарт Кемелұлы Тоқаевтың соңғы жолдауларында көп талқылауға түскен реформаларға байланысты “БП. Қазақстанның қазіргі хал-ахуалына байланысты реформалануға ең мұқтаж саланы көрсетеді” қарары, Әлемді уайымдатқан пандемия кезіндегі Денсаулық сақтау ұйымдарының ахуалы жайлы “БП. Мешеу мемлекеттердің денсаулық сақтау жүйесіне дамыған мемлекеттер қаржы бөлуі тиіс д.е.” қарарлары ойнатылды. Одан бөлек еліміздегі аса маңызды, назар аударуды талап ететін, даму мен өркендеуге мұқтаж фармацевтикалық сектордың да жай-күйін талқылау мақсатында және оны шешу жолын қарастыру үшін “БП. ҚР фармацевтикалық секторын дамытудың тиімді механизмін ұсынады” қарарын пікірсайысшылар ортаға салды. Көршілес мемлекеттердегі саяси тұрақсыздық пен экономикалық қиындықтардың, соның ішінде санкциялардың көлеңкелі тұстарын анықтап, түсінуіміз үшін олардың ақ-қарасын ажырату туралы қарарлар да ортаға салынды.

Турнирге төрешілік ету үшін 20дан аса Жалын ПК мүшелері, яғни университетіміздің 1-7 курс студенттері, резиденттері жұмылдырылды. Турнирдің Бас төрешісі міндетін Жалын ПК президенті, облыстық, Республикалық пікірсайыс турнирларының жеңімпазы, университетіміздің 4-курс студенті Боранбаева Айдана атқарды.

Турнирдің толық ұйымдастырылу жағын қамтамасыз етіп, келген делегациялардың ыңғайлы жай-күйін қамтамасыз еткен “Бас ұйымдастырушы” қызметінде университетіміздің 2-курс студенті Тохтарбаева Айнаш болды.

2 күнге созылған үлкен турнирдің ашылу салтанаты университетімізге қарасты А.Досжаснова атындағы конференц холлда, ал барлық ойындар 1-оқу ғимаратында өткізілді. Турнир аяқталған соң, барлық келген делегацияларды ақ жол тілеп, жақсы көңіл-күймен шығарып салды.

Іріктеу ойындарынан плей-офф кезеңіне 40 фракцияның 16-ы жолдама алды. Турнир қорытындысы бойынша жүлделі орындар мен номинациялардың иегерлері төмендегідей:

І орын иегерлері:

“Ақтөбе Арланс” фракциясы

(Қ.Жұбанов атындағы АӨУ (Ақтөбе қ.))

Бітімбай Исламбек

Ханиев Аманжол

ІІ орын иегерлері:

“Алаш” фракциясы

(Қ.Жұбанов атындағы АӨУ (Ақтөбе қ.))

Дүйсенбек Батыр

Жұмашева Динара

ІІІ орын иегерлері:

“Ш.Есенов” фракциясы

(М.Өтемісов атындағы БҚУ (Орал қ.) , Ш.Есенов атындағы КМТжИУ (Ақтау қ.))

Нұрлан Арман

Ермекбаев Қобылан

“Үздік талпыныс” номинациясының иегерлері:

“Қазақия” фракциясы

(Әл-Фараби атындағы ҚазҰУ (Алматы қ.) , Қ.Жұбанов атындағы АӨУ (Ақтөбе қ.))

Скендирова Қырмызы

Әбдіхалық Омар

“Үздік спикер” номинациясының иегері:

Скендирова Қырмызы

(Әл-Фараби атындағы ҚазҰУ (Алматы қ.))

“Үздік делегация” номинациясының иегері:

Парасат ДК

(А.Байтұрсынов атындағы Қостанай өңірлік университеті)

“Турнир жұлдызы” номинациясы иегері:

Шамитдинов Оғабек

(А.Байтұрсынов атындағы Қостанай өңірлік университеті (Қостанай қ.))

“Үздік кейс” номинациясы иегерлері:

“Ш.Есенов” фракциясы

М.Өтемісов атындағы БҚУ (Орал қ.) , Ш.Есенов атындағы КМТжИУ (Ақтау қ.)

Нұрлан Арман

Ермекбаев Қобылан

“Үздік төреші” номинациясының иегері:

Кулсеитова Гулдана

“Үздік вайзер” номинациясының иегері:

Кайранбаева Наргиза