Марат Оспанов атындағы Батыс Қазақстан медицина университеті
«Ардагер ұстаз»
Биыл Марат Оспанов атындағы Батыс Қазақстан медицина университетінің құрылғанына 65-жыл!
Мерей той қарсаңында тілдер кафедрасының оқытушылары студенттерге университеттің тарихымен, ардагер ұстаздардың еңбек жолдарын үлгі ету, таныстыру, ұстаз еңбегін әрқашан бағалай білуге тәрбиелеу мақсатында «Ардагер ұстаз» тақырыбында кездесу ұйымдастырды. Кездесуге тілдер кафедрасының жетекшісі болған Е.Н.Агапов, қазақ тілі курсының аға оқытушысы Б.Ө.Ербатыр, орыс тілі курсының оқытушылары: М.Т.Уразбаева, А.К.Дербисалина, Г.К.Кулмухамбетова, латын тілі курсының аға оқытушысы Н.И.Рахматуллина, шет тілдер курсының аға оқытушылары Т.Е.Брусиловская, З.Т.Князовалар шақырылды.
Кешке қатысқан студенттер ардагер ұстаздарды сұрақ қою арқылы әңгімеге тартты. Қонақтар университетке келіп, жұмыс орындарын көріп, жұмыста жүрген күндерін ыстық ықыласпен еске алды. Студенттерге ақ тілектерін айтып, жақсы оқып, білімді дәрігер болуларына тілектестіктерін білдірді.
