Университет түлектерімен танымал…

Педагогикалық және ғылыми қызметке берілгендік

Университеттің 65 жылдығына арналған “Медициналық білім берудегі инновациялар” ғылыми-практикалық конференциясын өткізу кезеңінде университеттің құрметті қонақтарының қатарына 1974 жылғы Ақтөбе медициналық институтының түлегі, медицина ғылымдарының докторы, профессор Адайбаев Төлеуғали Адайбайұлы шақырылды.

Адайбаев Т.А. институтты бітіргеннен кейін қалыпты анатомия кафедрасының ассистенті лауазымына қабылданды, қалыптасу жылдарында өсудің барлық кезеңдерін өтті: ассистент (1974-1977жж), “Адам анатомиясы” мамандығы бойынша аспирант (1977-1979жжж), аға оқытушы, доцент, профессордың м. а. (2005-2007жжж), Марат Оспанов атындағы БҚМУ қалыпты анатомия және жедел хирургиясы бар топографиялық анатомия кафедрасының профессоры (2008-2012 жылдар).

Кандидаттық диссертациясын (1990ж.), докторлық диссертациясын (2004ж.) сәтті қорғады. 2008 жылы ҚР БҒМ комитеті арқылы медицина профессоры ғылыми атағы берілді. 1989-1999 жылдары – факультеттер деканының орынбасары, 2005-2012 жылдары – жалпы медицина, емдеу ісі және педиатрия факультетінің деканы.

1993 ж. – 2008 ж. – кандидаттық диссертациялық кеңестің ғылыми хатшысы, 2008 ж. – 2010 ж. – М. Оспанов атындағы БҚМУ жанындағы адам анатомиясы, хирургия, фармакология және клиникалық фармакология мамандықтары бойынша кандидаттық және докторлық диссертацияларды қорғау жөніндегі докторлық кеңестің мүшесі.

2012 жылдың 01 қыркүйегінен бастап – “Астана медицина университеті” КЕАҚ жедел хирургиясы бар адам анатомиясы кафедрасының профессоры.

Марапаттары, атақтары: 2007 ж., табысты мемлекеттік аттестаттаудан кейін факультет деканы Т.А. Адайбаевқа ” М. Оспанов атындағы БҚММА үздік басшысы”, “ЖОО үздік оқытушысы” сыйлығы берілді.

 Денсаулық сақтау министрлігінің ведомстволық марапаттары: “Денсаулық сақтау үздігі” (2009ж.), “Денсаулық сақтауды дамытуға қосқан үлесі үшін”(2012ж.) төсбелгілері, “Еңбек ардагері” медалі, Құрмет грамоталары.

2019 жылы “М.Оспанов атындағы БҚММУ құрметті профессоры” атағы берілді.

Ғылыми қызметі: 5 оқулық, 15оқу құралы, монография, “Адам анатомиясы” электронды оқулығы дайындалып, жарық көрді (2018ж.)

Отандық және шетелдік басылымдарда 380-ден астам ғылыми еңбектері жарияланды. ҚР 2 өнертабысының авторы, ол 8 кандидат, медицина ғылымдарының докторы, магистрант дайындады.

Біздің түлегіміз Төлеуғали Адайбайұлының қалыптасуы, оның кәсіби жоғарылауы біздің ALMA MATER қабырғасында өткенін мақтан тұтамыз, практикалық денсаулық сақтау саласына кадрларды кәсіптік даярлаудағы 48 жылдық ғылыми-педагогикалық қызмет өтілінің 38 жылы Марат Оспанов атындағы Батыс Қазақстан медициналық университетінде жұмыс істеген кезеңіне тап болғанына ризамыз.