Терроризм – қоғамға қауіп
![](https://zkmu.edu.kz/wp-content/uploads/2022/12/IMG-20221206-WA0125.jpg)
06.12.2022 ж. №2 ішкі аурулар кафедрасында жастар арасында экстремизм мен терроризмнің алдын алу аясында “Терроризм – қоғамға қауіп”атты іс-шара ұйымдастырылып, өткізілді. Іс – шараны кафедра ассистенті Д. С. Нурманованың жетекшілігімен ЖТД 6 курс интерндері ұйымдастырды.
“Терроризм” термині алғаш рет XVIII ғасырдың аяғында Франция аумағында Ұлы француз революциясы кезеңінде қолданысқа енді. Заманауи әлемде терроризм деп өз елінің азаматтарына қатысты зорлық-зомбылық пен қорқыту саясатын немесе ұйымдасқан топтар зорлық-зомбылық арқылы өз мақсаттарына жетуге ұмтылған кезде түсінеміз. Террористер тұрғын үйлерді, дүкендерді, вокзалдарды, көлік құралдарын өртеуді немесе жарылыстарды, кепілге алуды, ұшақтарды ұрлауды қолдана алады, террористердің құрбандары бейбіт тұрғындар, соның ішінде балалар.
Өкінішке орай, біздің ел де терроризмнен зардап шекті. 2011 жылғы 12 қарашада полиция капитаны Ғазиз Байтасов Тараз қаласында болған террористік актінің салдарынан ерлікпен қаза тауып, қылмыскерді ұстаған кезде айналасындағыларды қорғау үшін денесімен граната жапты. Қайтыс болғаннан кейін оған Халық Қаһарманы атағы берілді. 2016 жылғы 5 маусымда бір топ адам Ақтөбе қаласында террорлық шабуыл жасады. Террористер 2 қару-жарақ дүкеніне және Ұлттық гвардияның №6655 әскери бөліміне шабуыл жасады. Шабуыл барысында 7 бейбіт тұрғын қаза тауып, 11 полиция мен әскери қызметші жараланды.
Біз мойындауымыз керек: біз терроризм дәуірінде өмір сүріп жатырмыз. Сондықтан әр адам, әсіресе жастар, қоғамның ең осал бөлігі ретінде терроризмнің мәнін, оның шығу тегі мен одан қорғанудың мүмкін жолдарын білуі керек.
Іс-шараны ұйымдастырушылар аудитория назарына лаңкестіктің негізгі көріністері, лаңкестермен өзін қалай ұстау керектігі туралы презентация ұсынды, мысалдар келтірді, содан кейін күдікті, қараусыз қалған заттарды анықтаған кезде, кепілге алған кезде мінез-құлық ережелерін білуге қатысушыларға тестілеу жүргізді. Одан әрі қатысушылардың назарына мейрамханада кепілге алу сахналанды. Іс-шара соңында кафедра басшысы Құрманалина Г. Л. сөз сөйледі. Ұйымдастырушыларға өткізілген іс-шара үшін алғыс білдіргді және кез келген адам терроризм көріністерімен бетпе-бет келуі мүмкін екенін, осыған байланысты бәріміз қырағы және сақ болуымыз керек екенін айтты.