Академиялық ұтқырлық аясында Марат Оспанов атындағы БҚМУ мен Ташкент МСИ арасында тәжірибе алмасу және ынтымақтастық

2023 жылдың 23-27 қазан күндері Марат Оспанов атындағы БҚМУ медициналық және биологиялық химия кафедрасының жетекшісі Ж.Ж.Гумарова және психология кафедрасының жетекшісі А.И.Миралеева Қазақстан Республикасы мен Өзбекстан Республикасының медициналық ЖОО арасындағы профессорлық-оқытушылық құрамның сыртқы академиялық ұтқырлығы бағдарламасын іске асыру аясында Ташкент мемлекеттік стоматологиялық институтында болды.

Жұмыс орнында оқытушылар «Емдеу ісі», «Халықаралық білім берудің емдеу ісі», «Стоматология», «Мейірбике ісі» факультеттерінің 1-3 курс студенттеріне және 1 курс магистранттарына ашық дәрістер оқыды, дәрістер мен тәжірибелік сабақтарға қатысты, кафедралардың осы кезеңдегі іс-шараларына қатысты.

Өзбек тілі және педагогика кафедрасының мәжілісінде мүмкін болатын ғылыми-әдістемелік ынтымақтастық мәселелері талқыланды. Өзбек тілі және педагогика кафедрасының жетекшісі, доцент Акрамова Лола Юнусовна дәрігердің кәсіби құзыреттілігі үшін коммуникативтік дағдылардың өзектілігі мен маңыздылығын атап өтіп, университеттеріміз арасындағы кәсіби ынтымақтастық жалғаса беретініне сенім білдіріп, Алуа Исламчаевна Миралееваға алғысын білдірді.

Ашық дәрістерден кейін студенттер мен әріптестері жоғары кәсіби шеберлігіне деген құрметін Ж.Ж. Гумароваға пікірлер мен алғыс хаттарында көрсетті.

Ташкент МСИ медициналық және биологиялық химия кафедрасының меңгерушісі, профессор Нусрат Нуманұлы Ахмадалиев пен Марат Оспанов атындағы БҚМУ медициналық және биологиялық химия кафедрасының жетекшісі Жаннат Жанбулатовна Гумарова ғылыми және баспа қызметі бойынша ынтымақтастықты одан әрі жалғастыруды жоспарлады.

Кәсіби құзіреттілікті арттыруға және ынтымақтастықты дамытуға бағытталған профессорлық-оқытушылық құрамның ЖОО арасындағы академиялық ұтқырлығын жүзеге асыру жұмыстары тиісті деңгейде жүргізіліп, барлық жүктелген міндеттер орындалды.