Жетістікке толы 10 жыл

№1 акушерия және гинекология кафедрасы 2014 жылы негізгі кафедраның бөлінуімен құрылды. Кафедра меңгерушісі — медицина ғылымдарының кандидаты, профессор Светлана Шиканова.

Кафедраның ғылыми тақырыбы — «Батыс Қазақстан әйелдерінің репродуктивті әлеуеті». Кафедраның профессор-оқытушылық құрамымен 50-ден астам ғылыми жұмыс пен 2 патент жарияланды. 2018 жылдан бастап Кувейт медицина университетімен қатар «Анемиялық синдромы бар жүкті әйелдердегі феррокинетиканың зертханалық маркерлерінің диагностикалық маңызы» және «Инсулин тәрізді өсу факторы протеин-1/альфа-фетопротеиннің (AmnioQuickDuo) жарылған мембраналарды диагностикалауда байланысу дәлелдігі» атты бірлескен ғылыми жұмыстар жүргізілуде.

№1 акушерия және гинекология кафедрасының негізгі клиникалық базасы 65 төсектік Ақтөбе медициналық орталығы болып табылады. Сабақ кестеге сәйкес, аталған орталықтың 2-қабатында кафедраның оқу бөлмелерінде өткізіледі.

412 А және Б, 413 А және Б, 421 А және Б топ студенттері №1 акушерия және гинекология кафедрасының 10 жылдығына орай естен кетпес концерттік бағдарлама ұйымдастырды.