Шетелдік студенттерге экскурсия

Университет пен «Vizit Aktobe» туристік-ақпараттық орталығы бірлесіп, экскурсия ұйымдастырды. Мақсат — білім алушы шетелдік студенттердің ата-аналары мен студенттерді оқу орнының тарихы және жатақхананың тыныс-тіршілігімен таныстыру.

Экскурсия барысында шетелдік қонақтар университеттің оқу барысы, ғылыми зерттеулер және студенттердің күнделікті өмірімен танысты. Сондай-ақ, «Vizit Aktobe» туристік-ақпараттық орталығында болып, Ақтөбе қаласының тарихы, облыстық тарихи-өлкетану музейінің құнды экспонаттары және өлкеміздің тарихымен танысты. Сонымен қатар, шетелдіктер қала сыртындағы «Green Land» демалыс базасында табиғат аясында демалып қайтты.

Экскурсияға қатысушы шетелдіктер ұйымдастырушыларға алғыстарын білдіріп, алған әсерлерімен бөлісті. Қонақтар Ақтөбе қаласының мәдениеті мен тарихына қызығушылық танытып, осындай іс-шаралар білім алушылардың тарихи-мәдени дамуына септігін тигізетініне назар аударды. Экскурсия қорытындысында университет пен шетелдік студенттер арасындағы байланыс нығая түсті.