Құрметті студенттер!

Сіздерді Халықаралық Студенттер күні мерекесімен шын жүректен құттықтаймын!

Өткенге көз жүгіртсек, Халықаралық студенттер күні 1946 жылы 17 қарашада патриот чех студенттерін еске алуға арналған Прагадағы Дүниежүзілік студенттер конгресінде белгіленген. Міне, содан бері дәстүрге айналған жалынды жастар мерекесі тойланып келеді.

Адам өміріндегі ең бір жарқын шақтарының бірі — ол студенттік ұмытылмас қызықты кезең. Егеменді еліміздің жарқын болашағы — жалындаған әрбір жас мектеп бітірген соң қалаған мамандығы бойынша өзінің таңдаған оқу орнына түсіп, студент атанады. Жаңа достар кездестіріп, бір үйдің баласындай тату-тәтті студенттік қуанышты күндерін бірге өткізеді.

«Оқу — білім бұлағы, білім — өмір шырағы» дегендей, жақсы оқып, биік белестерді бағындырып, жетістіктерге жете беріңіздер! Алар асуларыңыз көп болып, әрбір шуақты күндеріңіз білім мен жарқын естеліктерге толы болсын!

Құрметпен,

Надиар Мусин,

ректор міндетін атқарушы.