Черлидингтен чемпион атанды

Алматы қаласында черлидинг, cheerup және спорттық мажоретте республикалық мәртебеге ие 2024 Федерация кубогы өтті. Ұйымдастырушылар: «Тафиса Қазақстан», Азия мажорет федерациясы, РОО КФСАМТАТ, РОО КНФЧ. Жарысқа Алматы, Астана, Қарағанды, Қаскелең, Ақтөбе және т.б. қалалардан 35-тен астам команда яғни 5 номинация бойынша 400-ден аса спортшы қатысып, бақ сынасты. Университетіміздің командасы чирданс-шоу номинациясы бойынша өнер көрсетті. Әуенмен дайындап, қызықты да күрделі композицияны сахналаған, сонымен қатар команданы өз мәнінде дайындаған бапкер еңбегінің арқасында біздің черлидерлер өз санаттары бойынша І орынды иеленді.

4-курс студенттері А.Өтеғалиева, А.Махатова, А.Ермұханова, А.Асқарова және А.Махамбетжанова черлидинг бойынша өткен жылғы ел чемпионатында хип-хоп номинациясында Алтын медальға ие болғанын айта кеткен жөн. Ал С.Тасжанова, Е.Сапар, Т.Қалыбек, А.Әмірбекова, Д.Ведюшкина, К.Ізбағамбетова, Д.Тыныштық университетімізде осы спорт түрімен айналысып жүргендеріне жарты жыл ғана уақыт болды. І курс студенттері Н.Ақмадин, Д.Ғалымжанова, Д.Нұрғалиева секцияға ағымдағы жылдың қыркүйек айының соңында келгенімен, тапсырманы мүлтіксіз орындады.

Республикалық байқауларға қатысуға мүмкіндік берген университет басшылығына, спорттық шараны ұйымдастырғаны үшін «Тафиса Қазақстан», Азия мажореток федерациясына, РОО КФСАМТАТ және РОО КНФЧ басшылығына алғысымызды айтамыз!

Тамаша ойын өрнегін көрсетіп, жеңіске жеткен спортшыларымызды және жаттықтырушысы М.Бобыреваны жетістіктерімен құттықтаймыз!