Композиторлардың шығармашылығы дәріптелді

Қалыпты және топографиялық анатомиямен оперативтік хирургия кафедрасының оқытушысы Н.Нұрмұханбетованың жетекшілігімен «Медицина» мамандығының 119-топ студенттеріне арналған «Қазақстан композиторлар Одағының 85 жылдығы» тақырыбында шара өтті. Мақсат — Қазақстан композиторларының шығармашылығын дәріптеу, студенттердің өнерге деген сүйіспеншілігін арттырып, музыкалық білімдерін жетілдіру.

Қазақстан композиторлар Одағы — еліміздің рухани-мәдени және музыкалық дамуы мен өскелең жас ұрпақ тәрбиесіне зор үлес қосып келе жатқан алдыңғы қатарлы шығармашылық ұйымдарының бірі.

Шарада композиторлардың өмірбаяндары мен жетістіктері туралы мазмұнды баяндамалар жасалып, танымал әндері шырқалды. Нұрай Жарылқаған «Ерке сылқым», Ақтай Қабдығали «Адай» күйлерін нақышына келтіріп орындады. Түрлі қызықты ойындар ойнатылды. Ұлттық өнерді дәріптеуге арналған ұсыныстар мен ой-пікірлер айтылып, қатысушылар іс-шарадан алған әсерлерімен бөлісті.