Халықаралық олимпиада жүлдегерлері

Астана медицина университетінің 60 жылдығына орай А.Әубәкіров атындағы адам анатомиясы кафедрасы «Анатомия әлемі — World of anatomy» атты халықаралық студенттік морфологиялық олимпиадасын ұйымдастырды. Мақсат — анатомия пәні бойынша студенттердің білімін халықаралық деңгейде көрсетіп, тәжірибе жинақтау. Олимпиадаға Қазақстан, Өзбекстан, Қырғызстан және Түркия университеттерінен 12 команда қатысты.

Университетіміздің медицина және педиатрия факультеттерінің 2-курс студенттерінен жасақталған «Da vinci liberos» командасы жоғары дәрежеде білімдерін көрсетіп, жүлделі ІІ орынға ие болды. Команда құрамы — Ясмина Серікқалиева, Елжан Маметанов, Таңшолпан Мұрат, Айтолқын Алижанова және Елнұр Маметанов.

Олимпиада мынадай негізгі конкурстық кезеңдерден тұрды: «Морфологиялық секциядағы қатысушыларды тестілеу». «Ағзаны тап (қара жәшік)». «Ситуациялық есептерді шешу».

Команданың ғылыми жетекшісі — қалыпты және топографиялық анатомия мен оперативтік хирургия кафедрасының PһD, доценті Айгүл Жаңабаева.

Жеңімпаздарды шын жүректен жетістіктерімен құттықтаймыз!