Гистологтар тәжірибе алмасты

Башқұртстан Республикасы Уфа қаласында өткен «Медицинадағы морфологиялық зерттеулер дәлелділігі» атты халықаралық ғылыми-тәжірибелік конференциясында гистология кафедрасының жетекшісі Жанат Көмекбай конференцияның ұйымдастыру комитетінің жұмысына қатысты. Сондай-ақ, кафедра оқытушылары мен докторанттары және «Гистолог» студенттердің ғылыми үйірмесінің белсенді мүшелері де атсалысты.

Конференция барысында кафедра өкілдері ғылыми баяндамаларын сәтті қорғап, дипломдар және сертификаттармен марапатталды. Сонымен қатар, морфологиялық шеберлік сабақтарына қатысып, әріптестермен тәжірибе алмасу мүмкіндігіне ие болды.

Башқұрт мемлекеттік медицина университеті мен біздің университет арасындағы халықаралық ынтымақтастық одан әрі нығая түсетініне сеніміміз мол.

Халықаралық деңгейдегі шараға қатысуға қолдау көрсеткен университет әкімшілігіне алғысымызды білдіреміз!