ТӘУЕЛСІЗДІК — ЕЛ ҰРАНЫ

Жаратылыстану-ғылыми пәндері кафедрасында аға оқытушылары Д.Есмұханова, С.Самбаеваның ұйымдастыруымен «Тәуелсіздік — ел ұраны» атты мерекелік шара өтті. Оған патологиялық физиология кафедрасының жетекшісі А.Жексенова, жалпы медицина факультеті деканының орынбасары А.Купенова, халықаралық медицина факультеті деканының орынбасары И.Күлішбаева қатысты

Шара кураторлық топтар стоматология 103-104, педиатрия 113, медицина 123-124, медицина 129-130 топтары арасында сайыс түрінде өтті. Студент Н.Көбеген «Сабираның монологы» атты төл туындысын оқып, А.Амантаева, Н.Әбсұлтан, А.Қуаныш, Д.Ізтілеуов актерлық шеберліктерін көрсетті. ІІІ кезең сұрақтарының жауабында студенттер Quizizz web құралы арқылы еліміздің тарихын жете білетіндіктерін көрсетті. Р.Хусан, А.Авдыкова, М.Қажығали ән-күйлері арқылы өздерінің Отанға деген патриоттық сезімдерін жеткізді. Жүргізушілер Ә.Қанатұлы және М.Ермұхан ерекше дауыс мәнерімен көзге түсті. Қорытындысында үздік топтар мен белсенді студенттер Дипломдар және Алғыс хаттармен марапатталды.

Шара соңында кафедраның пәндер блогына жауапты тұлға, доцент А.Тұрғанбаева мерекемен құттықтады.