Тәуелсіздік — тұғырым

Аққағаз Досжанова атындағы конференц холлда «МедАrt» студенттік театры және «Жас қалам» жас ақындар мен көркемсөз оқу шеберлері клубының ұйымдастыруымен «Тәуелсіздік — тұғырым» атты мерекелік шара өтті.

Ректор міндетін атқарушы Надияр Мусин жиналған қауымды Тәуелсіздік мерекесімен құттықтап, бұл тарихи күннің егеменді еліміз үшін маңызы зор, алар орны ерекше екенін айтты.

Сахна төрінде мәнерлеп оқудың үздіктері Тәуелсіздік туралы өлеңдерін оқып, көпшіліктің көшеметіне бөленді. Көрермендерге қызықты ақпараттар ұсынылып, сұрақ-жауап түрінде шағын викториналық ойыны мен флешмоб ұйымдастырылды. Сондай-ақ, 12 қараша күні Бердібек Соқпақбаевтың 100 жылдығына арналған «Дала жұлдызы» тақырыбында эссе-байқауы жарияланған болатын. 

Эссе-байқауында жастар өз туындылары арқылы Тәуелсіздік туралы, Отанға деген сүйіспеншіліктерін жеткізді. Мерекелік сәтте аталған байқау жеңімпаздары мен қатысушылары Алғыс хаттармен марапатталды.

Тәуелсіздікке арналған шара Алина Гизатуллина атындағы хор ұжымының орындауындағы Ескендір Хасанғалиевтің «Атамекен» әнімен аяқталды.