Нұрсәуле — «Үздік жас студент» номинациясының жеңімпазы

Шаһарымызда Ақтөбе қаласының жастар ресурстық орталығының ұйымдастыруымен «Жыл үздігі-2024» байқауының жеңімпаздарын марапаттау шарасы өтті. Олардың қатарында «Үздік жас студент» номинациясының жеңімпазы атанған «Мейіргер ісі» мамандығының 1-курс студенті Нұрсәуле Бағтығалеева да болды.

Салтанатты шарада қала әкімі Азамат Бекет Нұрсәулеге 200 мың теңгенің сертификаты мен арнайы статуэтканы табыстады. Университетіміздің мерейін үстем еткен белсенді студенттеріміздің бірі Нұрсәуле Бағтығалееваны оқу-тәрбие жұмыстары жөніндегі проректоры Нұргүл Әбенова құттықтап, алғысын білдірді.

– Әрқашан маған қолдау көрсететін ата-анам мен бауырларыма және ұстаздарыма шексіз ризашылығымды білдіремін! Әрине, бұл — мен үшін жаңа мүмкіндіктерге жол ашатын орны бөлек жетістіктердің бірі.

Аталған байқауды ұйымдастырған қалалық жастар ресурстық орталығына алғысым шексіз. Алдағы уақытта да жалынды жастарды қолдауға бағытталған осындай шаралар жиі өткізілсе, нұр үстіне нұр болары сөзсіз, — дейді Нұрсәуле.

Нұрсәуле Бағтығалееваны және ғылыми жетекшісі, қоғамдық-гуманитарлық пәндер кафедрасының аға оқытушысы Жанат Айтжанованы жетістіктерімен құттықтап, шығармашылық мол табыстар тілейміз!

Айта кетсек, байқау қорытындысында 10 номинация бойынша «Жыл үздіктері» анықталды.