Қос жетістік

Елордасы Астана қаласында түрлі номинациялар бойынша жыл үздіктерін салтанатты марапаттау шарасы өтті.

Аталған дәстүрлі шарада Мемлекет басшысы Қасым-Жомарт Тоқаевтың «Тәуелсіздік бәрінен қымбат» атты бағдарламалық мақаласын қоғамға кеңінен насихаттау мақсатында Тәуелсіздік жылдары еліміздің әлеуметтік-экономикалық дамуына үлес қосып жүрген азаматтар арасында өткізілген «Қазақстан Республикасының Құрметті қайраткері» атты республикалық байқауына қатысып, жеңімпаз атанған музей жетекшісі Гаухар Сейтжанова I дәрежелі Диплом және «Қазақстан Республикасының Құрметті қайраткері» орденімен марапатталды.

Сонымен қатар Гаухар Сейтжанова жетекшілік ететін Халықтық ұжым «ЖасStar» би ансамблі Астана қаласында 57 би тобы өнер көрсеткен «Mega Dance» халықаралық байқауында топ жарды. Яғни «Хореография» номинациясы бойынша лауреат атанып, жүлделі II және lll орындарды иеленіп, университетімізді үлкен қуанышқа кенелтті.

Оқу орнымыздың мерейін үстем еткен әріптесіміз Гаухар Сейтжанованы және «ЖасStar» би ансамблін өнер жолындағы кезекті жетістіктерімен құттықтап, шығармашылық табыстар тілейміз!

Алар асуларыңыз көп болсын!