Оралдық оқушылар — оқу зертханаларында

Орал қаласындағы 125 High School мектебінің болашақ түлектері мен олимпиада жеңімпаздары медициналық және биологиялық химия кафедрасының оқу зертханасында болды.

Болашағын медицина саласымен байланыстыруды мақсат еткен оқушылар зертханалық сабақтардың өткізілу тәртібімен танысып, халықаралық медицина факультеті студенттерімен еркін әңгіме құрды. Зертханалық жұмыс барысын өз көздерімен көрген талапкерлер кафедраның ғылыми зертханасына да барып, ғылыммен айналысуға қызығушылық танытты. Ашық есік күнін қоғамдық-гуманитарлық пәндер кафедрасының доценті Бекзат Молдин ұйымдастырды.

Шара соңында оралдық оқушылар медициналық және биологиялық химия кафедрасына алғыстарын білдіріп, болашақта университетіміздің студенті болуға ниетті екендерін жеткізді.