ЖасStarдың қадамы жеңісті

Нұр-Сұлтан қаласында Mega Festival Kz ұйымдастыруымен Халықаралық «Жұлдызға қадам» атты көп жанырлық байқауы өткізілді. Аталмыш байқауда би бөлімі бойынша 66 қатысушы өз бақтарын сынады. Көптеген кәсіби би топтары арасынан университетіміздің халықтық ұжым «ЖасStar» би ансамблі топ жарып халықтық би номинациялары бойынша “Назлы гүлдер” биімен Гран-при, “Ерке сылқым” биімен жүлделі І орынды иеленді.

Қазылар алқасы: ҚР Еңбек сіңірген мәдениет қайраткері «Наз» мемлекеттік би театрының көркемдік жетекшісі Агимбаева Кадиша Ермекбайқызы, Өнертану магистрі, Нұр-Сұлтан қаласының Қазақ ұлттық өнер университетінің докторанты, «Елигай» балалар хорының көркемдік жетекшісі, ҚазҰӨУ хор дирижор кафедрасының оқытушысы Қаракенова Дилара Талғатқызы, Mega Festival Kz негізгі ұйымдастырушы Жаканова Жанар Серикқызы байқаудың қорытындысын жариялап, арнайы «Үздік хореографиялық қойылым», «Үздік сюжеттік би», «Үздік заманауи хореография», «Үздік халық биі», «Үздік тәлімгер» номинациялар берді.

Сол номинациялардың бірі «Үздік тәлімгер» (Лучший наставник) Марат Оспанов атындағы Батыс Қақстан медицина университетінің Халықтық ұжым «ЖасStar» би ансамбль жетекшісі Сейтжанова Гаухар Маралқызына бұйырды.