Марат Оспанов атындағы Батыс Қазақстан медицина университеті
Бос орынның атауы: «Марат Оспанов атындағы Батыс Қазақстан медицина университеті» КеАҚ Мейірбике ісін жетілдіру орталығының жетекшісі
Конкурсқа қатысушыға қойылатын негізгі талаптар:
Орталық жетекшісі лауазымына жоғары медициналық білімі, ғылыми дәрежесі немесе академиялық дәрежесі немесе ғылыми атағы бар, білім беру және денсаулық сақтау ұйымдарында мамандығы бойынша кемінде 3 жыл еңбек өтілі бар тұлға тағайындалады. Ағылшын тілін білуі құпталады.
Функционалдық міндеттері:
Орталық жетекшісі:
- Орталық қызметін ұйымдастырады, жоспарлайды және үйлестіреді.
- Орталықтың штат кестесін тұжырымдап, басшылыққа бекітуге ұсынады.
- Білім алушыларға білім беру бағдарламаларын әзірлеуді және ұйымдастыруды қамтамасыз етеді.
- Орталықтың қызметкерлерін ынталандыру және материалдық-техникалық базасын дамыту қорын қалыптастыру үшін ақылы қызметтердің көрсетілуін қамтамасыз етеді.
- Мейірбике ісін қалыптастыру мен дамытуға бағытталған білім беру жобаларын әзірлеуге, іске асыруға және қолдауға қатысады.
- Оқулықтарды, оқу құралдарды, әдістемелік нұсқауларды құруға ықпал етеді.
- Практикалық денсаулық сақтауға енгізу үшін мейірбикелердің жұмысын оңтайландыру бойынша ұсыныстар әзірлейді.
- Мейірбикелерге арналған тренингтер, семинарлар, конференциялар, шебер кластар ұйымдастырады.
- Оқу аудио-, бейне-, электронды және баспа басылымдарының шығарылуын қоса алғанда, ақпараттық және әдістемедік материалдарды даярлау бойынша жұмыстарды ұйымдастыру.
- Мейірбикелердің даярлығы мен қайта даярлығын жүзеге асыратын жетекші отандық және шетелдік ұйымдардың озық тәжірибесімен алмасуды ұйымдастырады.
- Басқа да…
Конкурсқа қатысу үшін құжаттардың тізбесі:
- жеке басын куәландыратын құжаттың көшірмесі;
- жоғары білімі және (немесе) академиялық және ғылыми дәрежесі туралы дипломдардың көшірмелері, ғылыми атағы туралы құжат және салыстырып тексеру үшін түпнұсқалары;
- қайта даярлау және біліктілікті арттыру туралы сертификаттар көшірмесі (болған жағдайда) және салыстыру үшін түпнұсқалары;
- Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген Денсаулық сақтау ұйымдарының бастапқы медициналық құжаттама нысандарына сәйкес құжат тапсырғанға дейін алты айдан аспайтын уақытта берілген 075/у нысандағы денсаулығы туралы медициналық анықтама (дәрігерлік кәсіби-консультациялық қорытынды) (немесе нотариалдық куәландырылған көшірмесі);
- Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен бекітілген «Психоневрологиялық ұйымнан анықтама беру» мемлекеттік көрсетілетін қызметтің стандартына сәйкес нысан бойынша құжат тапсырғанға дейін бір жылдан аспайтын уақытта берілген психоневрологиялық ұйымнан анықтама (немесе нотариалдық куәландырылған көшірмесі);
- Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен бекітілген «Наркологиялық ұйымнан анықтама беру» мемлекеттік көрсетілетін қызметтің стандартына сәйкес нысан бойынша құжат тапсырғанға дейін бір жылдан аспайтын уақытта берілген наркологиялық ұйымнан анықтама (немесе нотариалдық куәландырылған көшірмесі);
- Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есептері бойынша тұлғаның қылмыстық құқық бұзушылық жасауы туралы мәліметтердің болуы не болмауы туралы анықтама;
- Конкурсқа қатысушы біліміне, жұмыс тәжірибесіне, кәсіби деңгейіне, тілдерді білуіне (ғылыми жарияланымдардың тізімі, алдыңғы жұмыс орнындағы басшылық берген ұсынымдар, сертификаттар, дипломдар және т.б.) қатысты қосымша ақпарат беруге құқылы;
- университетте жұмыс жасайтын тұлғалар жоғары тұрған басшылықтың сипаттамасын қоса береді;
- Түйіндеме;
- Файл парақтары бар папка – 20.
Жарияланған күні: 06 сәуір 2023 жыл
Құжаттар хабарландыру жарияланған күннен бастап күнтізбелік 15 күн ішінде ұсынылуы тиіс.
Құжаттарды қабылдау мына мекенжай бойынша жүзеге асырылады: «Марат Оспанов атындағы Батыс Қазақстан медициналық университеті» КеАҚ. Қазақстан Республикасы, 030019, Ақтөбе қаласы, Маресьев көшесі 68. Бас ғимарат, 105-кабинет. Тел.: +7 (7132) 54-69-25. e-mail: hr@zkmu.edu.kz
