Дәстүрлі Дивали мерекесі

Үндістан — өзінің бай мәдениеті және ежелгі өркениетімен әлемге әйгілі ел. Салт дәстүрімен ерекше тойланатын мерекелердің бірі — Дивали мерекесі.

Жастар арена спорт кешенінде халықаралық медицина факультетінің студенттері дәстүрлі Дивали мерекесін ерекше атап өтті. Мерекелік шара барысында стратегиялық даму, ғылым және халықаралық серіктестік жөніндегі проректоры Гүлмира Жорабекова, халықаралық медицина факультетінің деканы Диана Пірімқұлова шет елдік студенттерді мерекемен құттықтап, шараның маңыздылығын атап өтті.

Студенттер ұстаздарға гүл шоқтарын табыстап, мың бұрала би билеп, музыкалық ансамбльдер көпшілік алдында өнер көрсетсе, ұйымдастырушылар өздерінің ұлттық тағамдарынан дастархан жайды.

Көтеріңкі көңіл-күй сыйлаған дәстүрлі шара биыл да жоғары деңгейде өтті.