«Үздік макет» байқауы

Микробиология, вирусология және иммунология кафедрасы студенттер арасында «Үздік макет» байқауын өткізді. Жыл сайын қараша айында ұйымдастырылатын шараға білім алушылар ерекше ынтамен қатысып, шығармашылықтарын шыңдайды. Бұл байқау — микробиологияны оқу барысында студенттердің білімі мен шығармашылық қабілетін көрсетудің бірегей мүмкіндігі.

Биылғы байқауға қатысушылар ғылым мен өнер тоғысқан ерекше жұмыстарымен таңғалдырды. Макеттерді жасау барысында студенттер ғылымның өзекті тақырыптары мен мәселелерін зерттеді. Күрделі ұғымдарға шығармашылық көзқараспен қарады. Өз идеяларын жарқын және көрнекі модельдерге айналдырды.

Қорытындысында жеңімпаздар лайықты марапаттар мен бағалы сыйлықтарға ие болды. Байқауға ұсынылған жұмыстар кафедраның сәнін келтіріп, студенттерге шабыт бермек.

Жеңімпаздарды құттықтай отырып, барлық қатысушыларға еңбектері және батыл идеялары үшін алғысымызды білдіреміз!