2-3-курс студенттері арасындағы черлидинг біріншілігі

Жастар арена спорт кешенінде университет студенттері арасында черлидингтен біріншілік өтті. Жарыс оңайлатылған ережелер бойынша яғни қатысушыларға арнайы талаптарсыз өтті. Бар болғаны бағдарламаны үйлесімді және динамикалық түрде көрсету керек болатын. 80 адам қатысқан жарыс 9 команданы құрады.

Біріншілік үш номинация бойынша өтті. Cheer Dance Show номинациясы бойынша Blink, Ignis, Glamour командалары, Cheer Dance Freestyle номинациясы бойынша Infinity, Shiny, Sparkle командалары және қолдау тобы номинациясы бойынша Diversity, Vintage, Eclipse командалары өнер көрсетті.

Жарыс қорытындысында қатысушылар келесідей бөлінді. Cheer Dance Show номинациясында І орынды Blink, ІІ орынды Glamour, ІІІ орынды Ignis, Cheer Dance Freestyle номинациясында І орынды Infinity, ІІ орынды Shiny, ІІІ орынды Sparkle, қолдау тобы номинациясында І орынды Vintage, ІІ орынды Eclipse, ІІІ орынды Diversity командалары иеленді. Жарыс жоғары деңгейде өтті.