Университет тарихымен танысты

Университетімізге арнайы іс-сапармен келген медицина ғылымдарының докторы, профессор, бас хирург, «Ұлттық онкология және трансплантология ғылыми орталығы» АҚ басқарма төрағасының кеңесшісі Тоқан Сұлтаналиев, MD, PhD, Назарбаев университетінің «University Medical Center» корпоративтік қорының хирург-трансплантологы Ғани Құттымұратов және медицина ғылымдарының кандидаты, PhD докторы, Алматы облысы Қарасай аудандық көпсалалы клиникалық орталық ауруханасының директоры Алмат Чорманов университет музейінде болды.

Қонақтарды қарсы алған музей жетекшісі Гауһар Сейтжанова университеттің тағылымды тарихымен таныстырып, экскурсия жүргізді.

Экскурсия соңында қонақтар музейдің Тілек кітабына өздерінің ыстық тілектерін жазып, қолтаңбаларын қалдырды.