Университет ҚР Ғылым және жоғары білім министрлігінің грантын жеңіп алды

№2 жалпы дәрігерлік тәжірибе кафедрасының профессоры Ляззат Жамалиева командасымен бірге 2024-2026 жылдарға арналған ғылыми және ғылыми-техникалық бағдарламаларды бағдарламалық-мақсатты қаржыландыру конкурсына қатысып, жеңіске жетті. Конкурсты Қазақстан Республикасының Ғылым және жоғары білім министрлігі ұйымдастырды.

«Пресуицидтік көзқарас кешенді көрсеткіш және мониторинг объектісі ретінде: Қазақстандағы жастар мен жасөспірімдерді популяциялық зерттеу» жобасы 400 000 000 теңгеден астам грантқа ие болды. Бағдарлама мақсаты — пресуицидтік жағдайды талдап, қауіпті факторларын анықтауға және Қазақстандағы жасөспірімдер мен жастар арасындағы суицидтік мінез-құлықтың алдын алуға ғылыми-ақпараттық қолдау көрсету үшін кешенді мониторинг әдістемесін әзірлеу.

Біз бұл жетістігімізбен мақтанамыз және жобаның нәтижелері ғылым мен медицинаның дамуына үлкен үлес қосатынына сенім білдіреміз!