Марат Оспанов атындағы Батыс Қазақстан медицина университеті
Бос лауазымның атауы: «Марат Оспанов атындағы Батыс Қазақстан медицина университеті» КеАҚ Атырау қаласындағы филиалының жетекшісі
Конкурсқа қатысушыға қойылатын негізгі талаптар:
Филиал жетекшісі лауазымына жоғары медициналық білімі бар, денсаулық сақтау саласында кемінде 3 жыл басшылық лауазымдарда жұмыс өтілі бар, «Денсаулық сақтау менеджменті» мамандығы бойынша қайта даярлаудан өткен тұлға тағайындалады.
Функционалдық міндеттері:
Филиал жетекшісі міндетті:
- Университеттің Атырау қаласындағы филиалына білікті басшылықты, олардың қызметін үйлестіруді және оған есеп беретін қызметкерлердің лауазымдық міндеттерінің тиімді іске асырылуын қамтамасыз ету;
- Лауазымдардың біліктілік талаптарына және Қазақстан Республикасының қолданыстағы заңнамасына сәйкес университеттің Атырау қаласындағы филиалын жасақтауды үйлестіру және бақылау;
- Университет атынан сенімхат бойынша өз өкілеттігі шегінде Атырау қаласында әрекет ету;.
- Филиал қызметін университет бекіткен жоспарларға сәйкес басқару;
- Университеттің өндірістік мәселелерін шешу бойынша Атырау қаласының түрлі ведомстволарымен және ұйымдарымен кәсіби қызметті және өзара тиімді ынтымақтастықты жүзеге асыру (келісім-шарттарға қол қою, құжаттарды келісу және қол қою, іс-шараларда университет мүдделерін білдіру және т.б.);
- Университеттің мүддесі үшін Атырау қаласының негізгі және стратегиялық серіктестерімен өзара іс-қимылды жүзеге асыру;
- Атырау қаласындағы филиалдың жоспарларын белгіленген мерзімде іске асыруды қамтамасыз ету;
- Директорлар кеңесі Төрағасының, Басқарма төрағасы – Ректордың сұрауы бойынша Атырау қаласындағы филиал қызметінің мәселелері бойынша ақпарат, есеп дайындауды жүзеге асыру;
- Университеттің мақсаттары мен міндеттеріне қол жеткізу үшін қажетті басқа да іс-әрекеттерді жүзеге асыру;
- Университеттің Атырау қаласындағы филиалының жұмысын үнемі жетілдіруді қамтамасыз ету;
- Университетті алға жылжыту және оның нарықтағы позициясын нығайту;
- Университет қызметін атқару, оның мүддесін білдіру және қорғау; Атырау қаласы мен Атырау облысының клиникалық базаларында арнайы клиникалық мамандықтар бойынша ОПР игеруді ұйымдастыруға міндетті.
Конкурсқа қатысу үшін құжаттар тізімі:
- Жеке басын куәландыратын құжаттың көшірмесі;
- Жоғары білімі, академиялық және (немесе) ғылыми дәрежесі туралы дипломдардың, ғылыми атағы туралы құжаттардың көшірмелері және салыстыру үшін түпнұсқалары;
- Қайта даярлау және біліктілікті арттыру туралы сертификаттар көшірмесі (болған жағдайда) және салыстыру үшін түпнұсқалары;
- Қазақстан Республикасы Денсаулық сақтау министрінің міндетін атқарушының 2010 жылғы 23 қарашадағы № 907 бұйрығымен бекітілген Денсаулық сақтау ұйымдарының бастапқы медициналық құжаттама нысандарына сәйкес құжат тапсырғанға дейін алты айдан аспайтын уақытта берілген 086/е нысандағы денсаулығы туралы медициналық анықтама (дәрігерлік кәсіби – консультациялық қорытынды) (немесе нотариалдық куәландырылған көшірмесі);
- Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен бекітілген «Психоневрологиялық ұйымнан анықтама беру» мемлекеттік көрсетілетін қызмет стандартына сәйкес нысан бойынша құжат тапсырғанға дейін бір жылдан аспайтын уақытта берілген Психоневрологиялық ұйымнан анықтама немесе қорытындының нотариалдық куәландырылған көшірмесі;
- Қазақстан Республикасы Денсаулық сақтау және әлеуметтік даму министрінің 2015 жылғы 27 сәуірдегі № 272 бұйрығымен бекітілген «Наркологиялық ұйымнан анықтама беру» мемлекеттік көрсетілетін қызмет стандартына сәйкес нысан бойынша құжат тапсырғанға дейін бір жылдан аспайтын уақытта берілген Наркологиялық ұйымнан анықтама немесе қорытындының нотариалдық куәландырылған көшірмесі;
- Қазақстан Республикасы Бас прокуратурасының Құқықтық статистика комитеті беретін есепке алу және арнайы есепке алу бойынша тұлғаның қылмыстық құқық бұзушылық жасағаны туралы мәліметтердің болуы не болмауы туралы анықтама;
- конкурсқа қатысушы өзінің біліміне, жұмыс тәжірибесіне, кәсіби деңгейіне, тілдерді білуіне қатысты қосымша ақпаратты, ғылыми жарияланымдардың тізімін, сертификаттарды, дипломдарды және т.б. ұсынуға құқылы.
- Университеттің штаттық қызметкерлері үшін құрылымдық бөлімше жетекшісінің мінзедемесі;
- Түйіндеме.
Жарияланған күні: 5 қараша 2021 ж.
Құжаттарды хабарландыру жарияланған күннен бастап 15 күнтізбелік күн ішінде ұсыну қажет.
Құжаттар мына мекенжайда қабылданады: «Марат Оспанов атындағы Батыс Қазақстан медицина университеті» КеАҚ, Қазақстан Республикасы, 030019, Ақтөбе қаласы, Маресьев көшесі, 68. Бас ғимарат, 105 кабинет. Тел.: +7 (7132) 54-69-25. e-mail: hr@zkmu.edu.kz
